VOV4.Mnông- Ôi nar 22/11, ta ntŭk kan kruanh dak, kruanh dak Nguyễn Xuân Phúc, kruanh Hội đồng mât rnă njrăng ngih dak n’hanh rnă njrăng, leo kan ăp mpôl tahen, pă nău ntrŭnh n’hao grat ta năp năm bâh groi Đô đốc Hải quân hao tât Thượng tướng an đồng chí Phạm Hoài Nam, ủy viên Trung ương Đảng, Ủy viên quân ủy Trung ương, groi kruanh n’gâng kan mât rnă njrăng ngih dak.

Ntoh ngơi ta rơh pă nău kan, kruanh dak Nguyễn Xuân Phúc uănh rnê, Thượng tướng Phạm Hoài Nam lah du hê cán bộ geh nău mĭn kan, nău kan nâp nâl, kloh ueh, nău kan ueh jăp, geh ntĭm nti na nê̆, chính quy mpeh nău gĭt vât n’hanh nău blău kan, geh tiăr nti, têh hao bâh ntŭk kan ba dâng, geh âk nău tă kan tâm nău leo kan, mât uănh ăp ntŭk kan. Bâh nău kan nĕ geh kruanh n’gâng kan mât rnă njrăng ngih dak pă an, kruanh dak đă đồng chí Thượng tướng Phạm Hoài Nam an geh ntĭm leo kan hun hao công nghiệp mât rnă njrăng ngih dak geh njoat tĭng trong ueh mhe, dŏng kan, tâm di du đê̆ nău ŭch dŏng mât phao blêu, ndơ dŏng kĩ thuật an mpôl kan tahen ntop ueh mhe tâm nău kan công nghiệp mhe, nău ueh mhe neh dak. An geh mpơl nău nănh mĭn nănh kan, dơn nău kan,  nănh rgâl mhe, nănh tâm rdâng đah ăp naư jêr jŏt ntul rlong, nănh pah kan yor nău geh nsum.

Nuĭh rblang: Thị Đoắt