VOV4.M'nông: Nar 7/6, Kruanh dak Nguyễn Xuân Phúc, Kruanh Ƀan rđău đă rgâl dơh glêh Tư pháp Trung ương hŏ pah kan đah Ban Cán sự Đảng Nhih phat dôih ƀon lan gưl têh mpeh trong nchrăp Đề án: "Rgâl mhe mpôl kan nhih phat dôih dơh glêh ngăch prăl kan geh nău tam, nău dơi tĭng Nghị quyết Trung ương 6 khoá XII bah Đảng tŏng di đah nô nău mhe".

Lôch rnôk ăp n'gâng kan rgop nău, n'glôch jêh rơh pah kan, Kruanh dak Nguyễn Xuân Phúc lah rjăp nkô̆ khlay dơi nchih tâm Nghị quyết 49 bah Bộ Chính trị lah lôch jêh leo ƀư, dăp rgum ăp nuĭh kan tư pháp; tâm nê rgum tơm lah rdâk njêng, lôch jêh ăp tŏng leo ƀư n'hanh nău kan bah Nhih phat dôih ƀon lan gưl têh. Kruanh dak njrăng đă, nău rlong rdâk njêng tay nhih phat dôih nkual geh nkô̆ dŭt khlay, aơ lah nău tĭng ƀư rdâk njêng tay trong tor gĭt lor rgâl dơh glêh tư pháp mhe 2021-2030, uănh ngai tât năm 2045 tĭng nuih n'hâm Nghị quyết 49 bah Bộ Chính trị. Lơn lah, ăp Nhih phat dôih nkual ân đăp mpăn ta nâm nău groi nđôi bah HĐND, Quốc hội, MTTQ Việt Nam, lơn lah nuĭh ƀon lan đah nhih pah kan nkra rmal./.

Nuĭh rblang: Điểu Thân