VOV4.Mnông-  Kêng măng nar 2/11, ta Ninh Bình, kruanh dak Nguyễn Xuân Phúc pah kan đah nuĭh leo kan tơm bâh n’gor Ninh Bình mpeh ƀư tĭng nău ntrŭnh, nău kơl bâh Đảng n’hanh pháp luật bâh ngih dak mpeh hun hao wăng sa- rêh jêng n’hanh wăng sa nsum, hợp tác xã. Ntoh ngơi ta rơh pah kan, kruanh dak an lah, rlău ma nău kơl an bâh ăp ntŭk an ăp HTX mpeh prăk, công nghệ kơt aƀaơ rĭ an geh nău kơl an bâh ăp HTX mpeh nău leo kan gay ma dơi geh du nău leo kan ueh mhe, tĭng trong mhe, rlău đah nău kan HTX way ơm. Kruanh dak đă ăp ntŭk an geh nglôch lôch tay Nghị quyết 13 bâh Trung ương, mât uănh kơl an, rnoh nuĭh kan, nău nkhêp mhe gay ma HTX hun hao, kơl prăk ntĭm nti, geh gĭt nău mhe, nău dơi an ăp nuĭh kan ndrel, ntrŭt đă ăp ngân hàng tăch rgâl ntêm rnoh kan an ăp HTX. Bâh nău kan nĕ, kruanh dak đă n’gâng kan kế hoạch n’hanh đầu tư, rmôt kan HTX Việt Nam n’hanh ăp rmôt kan geh tât tâm rgop đah ăp ntŭk nglôch lôch tay 20 năm ƀư tĭng Nghị quyết mbrô 13 mpeh nău wăng sa kan ndrel, wăng sa nsum.

Nuĭh rblang: Thị Đoắt