VOV4.Mnông- Ôi nar 18/11, ta Hà Nội, kruanh dak Nguyên Xuân Phúc râng rơh kahgĭt 70 năm nar njêng ngih nti Đại học sư phạm Hà Nội n’hanh vơt dơn Huân chương lao động hạng nhất tal 2. Ndơn kan an ăp nuĭh leo kan Đảng, ngih dak, kruanh dak Nguyễn Xuân Phúc rhơn ăp nuĭh cán bộ, nai nti, nuĭh kan, học viên, kon hoc ngih nti Đại học sư phạm Hà Nội mpeh ăp nău dơi geh tâm 70 năm ba năp. Lah na nê̆, Đảng n’hanh ngih dak he way geh uănh năl ntĭm nti khoa học n’hanh công nghệ lah nău kan bôk năp, kruanh dak Nguyễn Xuân Phúc lah na nê̆, ngih nti đại học sư phạm Hà Nội lĕ geh ngih dak uănh năl lah ngoăy tâm bar ngih nti đại học sư phạm tơm khlăy bâh lam dak. Nkah tay nău mbơh tơih “Rnôk ngih nti hun hao, ăp ntil ndơ hun hao da dê”, kruanh dak dăn đă ngih nti đại học sư phạm Hà Nội an geh rgum lĕ rngôch mpeh nău kan n’hanh ntrong pah kan, geh lah tay na nê̆ du ngih nti tơm ta ngih dak, rgâl mhe lĕ rngôch mpeh ntrong kan n’hanh nkô̆ nău ntĭm nti an tâm di đah nău mhe aƀaơ.

Nuĭh rblang: Thị Đoắt

\