VOV4.M’nông: Ôi 6/5, ta nkuâl Củ Chi, Kruanh dak Nguyễn Xuân Phúc ndrel đah ăp nuĭh dâk tâm rlong đại biểu Quốc hội khoá XV, đơn vị bầu cử mbrô 10 (nkuâl Củ Chi, Hóc Môn) hŏ râng tâm nchră mbơh gĭt nô nău wăng sa - văn hóa rêh jêng kon nuĭh - njrăng n'gang neh dak rnă njrăng tât nuĭh dâk tâm rlong đại biểu Quốc hội khóa XV n'hanh đại biểu HĐND nkual ƀon têh Hồ Chí Minh năm kan 2021-2026. Tâm nchră  ƀư bah năp 3 nar lor rnôk rgum mâp đah nuĭh dâk tâm rlong đại biểu Quốc hội khóa XV, đơn vị bầu cử mbrô 10 đah cử tri. Tâm nchră gay mbơh gĭt tât ăp nuĭh tâm rlong mpeh nô nău wăng sa rêh jêng kon nuĭh, njrăng n'gang neh dak rnă njrăng bah nkuâl Củ Chi, Hóc Môn năm kan mhe aơ, rƀŏng tât hun hao tâm let năp tay. Nkre, ta rnôk tâm nchră mbra tâm ôp n'hanh mbơh gĭt tay ăp nkô̆ n'hanh ăp nuĭh dâk tâm rlong gay n'glăp tâm bôk nău kan na nê̆. Tâm bôk nău kan, Kruanh dak Nguyễn Xuân Phúc an gĭt dŭt rhơn n'hao êng săk dơi Hội đồng bầu cử gưl neh dak mbơh nchih săk tâm rlong đại biểu Quốc hội XV ta nkual ƀon têh Hồ Chí Minh. Lah dơi cử tri nsing nơm, păng mbra nsrôih lĕ n'hâm suan nơm rhŏ dŏng an neh dak, rhŏ dŏng an ƀon lan./.  

Nuĭh rblang: Điểu Thân