VOV4.Mnông- Kêng măng nar 15/11, ta rơh tât pah kan ta nkuăl ƀon têh Hồ Chí Minh, kruanh dak Nguyễn Xuân Phúc lĕ tât khâl, pă ndơ an du đê̆ nai nti ntoh lư bâh nkuăl ƀon têh, rhơn n’hanh lah ueh ăp nai nti di rơh kahgĭt nar an nai nti Việt Nam 20/11.

Kruanh dak lĕ tât khâl, pă ndơ an nai nti, thạc sĩ Triệu Thị Huệ, tă kan lah Tổ trưởng tổ ngữ văn, ngih nti THPT chuyên Lê Hồng Phong, âk tơ̆ geh dơn bằng khen bâh kruanh Ủy ban nhân dân nkuăl ƀon têh n’hanh ăp n’gâng kan. Kruanh dak Nguyễn Xuân Phúc kơp dơn, lah ueh, rnê, uănh năl âk nai nti Triệu Thị Huệ lĕ ntop soan dŭt âk an nău kan ntĭm nti. Lôch nĕ, kruanh dak Nguyễn Xuân Phúc lĕ tât khâl, rhơn PGS.TS Lý Hòa, Anh hùng lao động. Nău nkoch bâh PGS.TS Lý Hòa-ngoăy tâm âk nai nti dŭt ryơk rnê an nău nsrôih n’hanh nâp dăng bâh du hê tahen n’hanh du nău gơih, nđơr đah nău kan bâh du hê nuĭh kan khoa học lĕ geh âk nuĭh mom ŭch kơt.

Nuĭh rblang: Thị Đoắt