VOV4.M’nông – Ntoh ntoh ngơi tă bah video ta ntơm ƀư Rgum mpla tăch ndơ nglăp rwăt lam ntŭr neh dak Trung Quốc rơh tal 4 (CIIE 2021) ƀư măng nđaơ (4/11) ta Thượng Hải, kruanh dak Trung Quốc ton mbra n’hao nglăp rwăt bah ăp dak kiău ma. Kruanh dak Trung Quốc Tập Cận Bình mĭn lah mât njrăng nău ƀư tơm ăp ding, tâm pă ăp nău geh ntŭk tăch rgâl đah lam ntŭr neh, ntrôl pơk mpông tih hvi n’hanh mât njrăng nău geh nsum bah lam ntŭr neh. Wa an gĭt, đah rlău 1,4 rmen nuĭh ƀon lan n’hanh rlău 400 rkeh nuĭh tâm rmôt nău geh rĭng tâm ban, Trung Quốc du năm nglăp rwăt 2.500 rmen đôlar ndoh ndơ n’hanh ndơ dŏng. Pơng ton mbra uănh khlay tât nău pơk mpông nglăp rwăt ndơ, ntrôl hun hao tăch rgâl tâm ban, ntrôl tâm ban ŭch tăch rgâl tâm n’hanh bah dih dak n’hanh ntrôl ngăch nău ndâk njêng ăp nkual ƀon têh ntŭk dŏng ndơ lam ntŭr neh.

Nuĭh rblang: Y Sưng Phê Ja