VOV4.M'nông: Ôi 22/11 ta Hà Nội, Kruanh dak Nguyễn Xuân Phúc khâl n'hanh pah kan đah Trung tâm Nhiệt đới Việt-Nga. Lah ta rơh pah kan, Kruanh dak Nguyễn Xuân Phúc rnê âk, tâm boh têh jong lam lĕ rngôch đah Việt Nam n'hanh Liên bang Nga mô rlu dơi rdâk tay n'hanh geh njuat hăn hun hao mhe, lăp tâm jru hvi ngăn ngăn, lơn lah tâm boh wăng sa, tăch rgâl, njrăng n'gang neh dak, rnă njrăng, khoa học n'hanh công nghệ. Nkô̆ ăp nău ŭch geh khlay gay nsrôih tât năm 2030 dak he jêng dôl hun hao, geh công nghiệp uĕh mhe, Kruanh dak dăn đă Ntŭk rgum kan ân geh ăp njuat hăn rgop tât nău dơi tât kan dja, nsrôih rdâk njêng Ntŭk rgum kan jêng ntŭk nsing khoa học - công nghệ nsing nơm, du đêt ntil kan tât rnoh gĭt blău tâm nkual n'hanh lam ntŭr neh geh nău dơi râng n'hanh an ƀư ăp bôk nău kan khoa học rgum tơm bah ngih dak n'hanh Bộ Quốc phòng, lah ntŭk nsing nơm tay tâm rnôk tâm boh tâm rnglăp đah Việt Nam n'hanh Liên bang Nga./.

Nuĭh rblang: Điểu Thân