VOV4.M’nông: Kêng măng 21/6, ta Văn phòng Kruanh dak, Kruanh dak Nguyễn Xuân Phúc wơt Bộ trưởng Ngoại giao Singapore Vivian Balakrishnan tâm mâp dơm tâm rnôk hăn khâl ngăn Việt Nam ntơm bah nar 20-23/6.

  Ta rơh wơt, Kruanh dak Nguyễn Xuân Phúc rnê âk tâm boh tâm rnglăp krêp dêh đah Việt Nam n'hanh Singapore dôl nar lơn ma hun hao jru hvi n'hanh geh nău tam. Singapore way lah ngoăy tâm ăp dak tâm boh ntuh kơl dâk bôk năp; lơn lah, ntơm bah bôk năm 2020 tât aƀaơ hŏ jêng dak dâk bôk năp tâm rnoh 70 dak n'hanh nkual neh ntuh kơl tâm Việt Nam; trong ntĭt leo Nkual công nghiệp Việt Nam - Singapore rgop nsĭt geh wăng sa ngăn ngăn ta Việt Nam. Mpeh nkô̆ nău dak lêng, Bộ trưởng Ngoại giao Singapore lah rjăp uănh khlay nău mât đăp mpăn, bah tâm lơh tâm su, dah rŏng nchuăn rdeng dak lêng n'hanh trong trôk hăn rlău dak lêng, dăp grep nsing ta luật lệ, tâm nê geh Công ước Luật biển 1982.

Nuĭh rblang: Điểu Thân