VOV4.M'nông: Kêng măng nar 03/6/2021, ta Nhih pah kan kruanh dak, Kruanh dak Nguyễn Xuân Phúc hŏ wơt Đại sứ Nhật Bản ta Việt Nam Yamada Takio tât khâl n'hanh tâm ôp nău mpeh tâm boh têh dơi jŏ jong jru hvi Việt Nam - Nhật Bản. Kruanh dak Nguyễn Xuân Phúc mpơl nău rhơn tâm boh têh dơi jŏ jong jru hvi  Việt Nam - Nhật Bản tâm bah ri aơ nơh hun hao uĕh lăng kalơ ăp trong kan; dăn đă Đại sứ Nhật Bản ntrŭt ntrôl tay tâm nđŭr gưl têh n'hanh ăp gưl đah 02 dak; tâm boh, tâm kơl nsum tâm trong njrăng n'gang nuh srê Covid-19; n'hao dăng tâm rgop kan wăng sa, ntrŭt nsôr doanh nghiệp Nhật Bản pơk hvi ntuh kơl, tăch rgâl ta Việt Nam. Lah uĕh Kruanh dak Nguyễn Xuân Phúc hŏ an mông wơt, Đại sứ Yamada Takio mpơl nău ŭch rŏng Kruanh dak khâl gưl ngih dak tât Nhật Bản tâm năm kan ta Việt Nam. Đại sứ lah rjăp trong kan mô rgâl bah Chính phủ Nhật Bản uănh khlay tâm boh đah Việt Nam; nsrôih ntop kơl tay Việt Nam tâm trong njrăng n'gang nuh srê COVID-19; ntrŭt ntrôl tâm boh ƀư ntŭk ntô ndơ dŏng, rgâl mbrô, ntŭk gŭ rêh; ntrŭt ntrôl doanh nghiệp Nhật Bản ntuh kơl tâm Việt Nam...

Nuĭh rblang: Điểu Thân