VOV4.M’nông – Nkah gĭt 74 năm Nar tahen khĭt, sôt rmanh (27/7/1947-27/7/2021), ôi 27/7, ăp đồng chí kruanh, tă ƀư kruanh Đảng, Ngih dak, Mặt trận Tổ quốc Việt Nam lĕ tât an nkao, mpoh nhang nkah gĭt ăp Nuĭh tahen janh dăng lĕ khĭt sôt rmanh ta Rup ndah nkah gĭt ăp nuĭh tahen janh dăng lĕ khĭt (trong Bắc Sơn-Hà Nội) n’hanh lăp Lăng râng chop Kruanh Hồ Chí MInh. Râng ƀư nkah gĭt geh Kruanh dak Nguyễn Xuân Phúc; Thủ tướng Chính phủ Phạm Minh Chính, Kruanh Quốc hội Vương Đình Huệ; Kruanh Ủy ban Trung ương Mặt trận Tổ quốc Việt Nam Đỗ Văn Chiến, ăp đồng chí kruanh, tă ƀư kruanh Đảng, Ngih dak; ăp đồng chí Ủy viên Bộ Chính trị, Bí thư Trung ương Đảng, Groi Kruanh Quốc hội, Groi Thủ tướng Chính phủ n’hanh ăp kruanh ăp n’gâng kan nău kan, nsum mpôl Trung ương. Ta Rup ndah nkah gĭt ăp Nuĭh tahen janh dăng lĕ khĭt ta trong Bắc Sơn, ăp đồng chí kruanh Đảng, Ngih dak lĕ tât an  nkao, nkah gĭt ăp nuĭh tahen janh dăng lĕ khĭt; nkoch nău rngot klâng tât ăp nuĭh kon gĭt blău bah rnoi mpôl lĕ mô n’hoach nting m’ham, janh dăng tâm lơh, khĭt săk yor nău kan tâm lơh rklaih đăp mpăn rnoi mpôl, kơp dơn ngoay neh dak, yor đăp mpăn, dah rŏng bah neh dak, yor nău uĕh lăng bah nuĭh ƀon lan. Jêh nĕ, ăp đồng chí kruanh Đảng, Ngih dak lĕ tât an nkao, lăp chop râng Kruanh Hồ Chí Minh.

Nuĭh rblang: Y Sưng Phê Ja