VOV4.M’nông: Rđau kan Liên minh Châu Âu (EU) mhe nkah, Omicron mra jêng ntil kman ntưp âk ngăn ta Châu Âu tâm n’gul khay 1 tât. Ntoh nau bah năp NGhị viện Châu Âu lơ 15/12, Kruanh Uỷ ban Châu Âu Ursula von der Layen lah rjăp tĭng ăp nŭih kan khoa học, tât n’gul khay 1 năm tât, Omicron mra jêng ntil kman njêng săk ntưp âk ngăn tâm Châu Âu. Ntŭk kan njrăng rdâng ndrel nkân njrăng srê Châu Âu (ECDC) tâm du nau mbơh ndơ̆ luh kŏ kơp dơn lah, ntil njêng săk Omicron mra jêng ntil srê rlet ma Delta, jêng ntil njêng săk âk ngăn tâm 2 khay bôk năm 2022. Rnôk aơ, âk dak ta Châu Âu dôl nsôih ƀư ăp nau rdâng, gay ƀư mbrơi nau ntưp rêng yor njêng săk Omicron, tâm nê kơl an pơk hvi nau chuh n’gang vắc xin kŏ kơt lah nau ntrŭt dăng nau chuh ntop./.

Nŭih rblang: H’Thi