VOV4.M’nông – Văn phòng Thủ tướng Israel an gĭt, Thủ tướng dak aơ, wa Naftali Bennett, lĕ geh rơh kuăl tâm nchră đah Tổng thống Nga Vladimir Putin, tâm nchră mpeh âk nău khlay. Ta rơh kuăl tâm nchră, 2 hê kruanh lĕ tâm nchră mpeh ăp nău rnă njrăng n’hanh tâm ban ŭch mbra ƀư du rơh mâp tâm nar tât. Tâm rnôk nĕ, mpeh Nga, Điện Kremlin an gĭt Tổng thống Putin nkoch nău ŭch Thủ tướng Bennett lôch uĕh ta nău kan mhe. 2 hê kruanh lĕ tâm rgâl mpeh nău blău ơm bah 2 dak tâm nău rdâng srê Covid-19 n’hanh ăp nău tâm nkual. Rlău ma nĕ, ăp nău khlay bah kan ndrel ăp ding tâm ăp nău chính trị, tăch rgâl, wăng sa n’hanh kơl nuĭh lĕ dơi 2 nuĭh kruanh uănh mĭn tay. 

Nuĭh rblang: Y Sưng Phê Ja