VOV4.M’nông – Ta nkual ƀon têh Matera, bah dak Italia, Kruanh nchră nău rmôt ăp jâng wăng sa hun hao n’hanh mhe hao ntoh lư lam ntŭr neh (G20) lĕ ƀư rƀŭn nchră pơk sŏng dăng rơh bôk năp tâm 2 năm bah năp, gay joi ăp trong mkra rdâng đah ăp nău duh jêr lam ntŭr neh, kơt srê Covid-19, nu nău rgâl trôk nar, rdâng hao jâng wăng sa lam ntŭr neh n’hanh ntrôl hun hao nâp nâl ta châu Phi. Tâm 1 nar ƀư rƀŭn nchră, ăp kruanh nchră nău G20 lĕ rgum tâm nchră mpeh trong n’hao kan ndrel tâm âk nău kơt dak si lam ntŭr neh, nu nău jăch ndăn mpeh rgâl trôk nar n’hanh tăch rgâl lam ntŭr neh. Ta rƀŭn nchră, ăp Kruanh nchră nău G20 lĕ n’gluh an nău mbơh nsum Matera, đah ton nking n’gang nău roh rnă njrăng ndơ sông sa. Nchrăp, tâm khay 7 tât, G20 mbra ƀư du rƀŭn nchră ăp Kruanh N’gâng kan prăk kaih, tăch rgâl.

Nŭih rblang: Y Sưng Phê Ja