VOV4.M’nông – Kruanh nchră nău Australia nar 10/5 lĕ geh rơh hăn khâl Afghanistan gay mĭn lah tay nău kơl bah dak aơ đah ntơm ƀư tâm nchră đăp mpăn dôl ƀư ta neh dak Nam Á. Tĭng nău mbơh bah N’gâng kan tâm rnglăp nchră nău Australia, Kruanh nchră nău Payne lĕ geh rơh mâp đah Tổng thống dak tơm jay Ashraf Ghani. Ta rơh mâp aơ, Kruanh nchră nău Payne n’hanh nuĭh kruanh Afghanistan lĕ tâm rgâl mpeh ăp nău ntul rlong bah srê Covid-19 n’hanh nău ăp rmôt lam ntŭr neh rhoăt tahen luh neh dak Nam Á jêh 20 năm râng tâm lơh dun chủ nghĩa ƀư rŭng răng ta aơ. 2 ding lĕ tâm nchră mpeh nău ntop kơl tâm năm tât bah lam ntŭr neh lah nsum n’hanh bah Australia lah êng gay đăp mpăn an neh dak Afghanistan.

Nuĭh răk rblang: Y Sưng Phê Ja