VOV4.M’nông – Kruanh nchră nău Mỹ Atony Blinken lĕ tât Ca-ta tâm rơh khâl bôk năp kơp bah rnôk Taliban hao djôt n’gâng kan ta Afghanistan rnôk khay bah năp. Rơh hăn dơi uănh lah gay ndâk njêng du mặt trận nsum đah ăp dak kan ndrel jêh rơh du rŭng răng ta tach ndeh păr Cabul ƀư n’gâng kan Tổng thống Mỹ Joe Biden an rdâng đah âk nău mpeh n’ăp tâm trôm n’hanh bah dih. Ntoh ngơi ta thủ đô Doha, Kruanh nchră nău Mỹ Antony Blinken lĕ lah uĕh nău ntop kơl bah Ca-ta đa ngoay tâm âk rơh trơn têh ngăn ta Afghanistan. Bôl nău kuăl jă bah ăp dak kan ndrel, n’gâng kan Tổng thống Mỹ Joe Biden hôm e nsrôih jêh lĕ nău trơn n’hanh rhoăt ăp tahen Mỹ n’glĕ dŭt luh Afghanistan bah năp nar 31/8 mhe rlău, rhoăt lĕ Mỹ luh ngoay tâm ăp nău nking n’gang tahen ta dak bah dih jŏ ngăn. Bah kơi Ca-ta, Kruanh nchră nău Mỹ Antony Blinken mbra khâl Đức n’hanh ndrel ƀư tơm rơh rƀŭn gưl kruanh n’gâng kan mpeh Afghanistan.

Nŭih rblang: Y Sưng Phê Ja