VOV4.M’nông – Kruanh nchră nău Nga Sergei Lavrov n’hanh Kruanh nchră nău Mỹ Antony Blinken lĕ kuăl tâm nchră mpeh nu nău Afghanistan. Kruanh n’gâng kan nchră nău Nga an gĭt Kruanh nchră nău Mỹ Blinken lĕ mbơh an Kruanh nchră nău Nga Lavrov mpeh ăp nău ƀư ma n’gâng kan Mỹ dôl ƀư tĭng, lơn lah nău trơn nuĭh kan đại sứ quán Mỹ n’hanh mkra ăp nău kơl nuĭh jăch ndăn. Mpeh đah nơm, Kruanh nchră nău Nga tâm nchră đah Kruanh nchră nău Mỹ mpeh nău mĭn nơm bah Nga mpeh nu nău ta Afghanistan n’hanh ăp nău tâm ôp bah dak aơ đah ăp rmôt chính trị nkual gay đăp mpăn ndrel đah pháp luật n’hanh đăp mpăn. Chính phủ Nga an gĭt râng ôp tay đah ntoh măt bah Trung Quốc, Pakistan, ăp dak êng geh tât n’hanh Liên hợp quốc gay nta an du nău tâm nchră tâm dak ta Afghanistan tâm nu nău mhe.

Nuĭh rblang: Y Sưng Phê Ja