VOV4.M’nông – Kruanh nchră nău Nhật Bản Motegi mbơh, bah nar 15/6 tât nar 24/8 pơng mbra khâl ăp dak Trung Đông geh Ai Cập, Palestines, Israel, Jordan, Thổ Nhĩ Kỳ, Iran n’hanh Qatar gay tâm nchră mpeh ăp nău geh tât rnă njrăng nkual n’hanh rdâng đah srê Covid-19. Tĭng wa Motegi, Trung Đông geh nău ƀư dŭt n’hâm khlay đah tâm rnglăp n’hanh đăp mpăn bah nsum mpôl lam ntŭr neh, geh n’ăp Nhật Bản. Tă bah rơh khâl aơ pơng ŭch mĭn lah tay ăp nău ton bah Nhật Bản đah nkual aơ. Geh tât ăp n’gâng kan mhe ta Iran n’hanh Israel, Kruanh nchră nău Motegi an gĭt, pơng ŭch tâm nchră du trong sŏng dăng nău mĭn êng nơm mpeh nu nău nkual n’hanh kan ndrel rjăp đah khân pơng gay ntrŭt đăp mpăn bah nkual aơ. Nkre, ntrŭt Iran plơ̆ tay ăp rơh tâm nchră mpeh tâm ton hạt nhân.

Nuĭh rblang: Y Sưng Phê Ja