VOV4.M’nông: Ôi lơ 9/6, N’gâng kan dak si mbơh geh tay 64 nŭih ntưp srê Covid-19, tâm nê 23 nŭih lăp dak nơm geh nkhah nkre, rnoh 41 nŭih tâm dak ri geh Bắc Giang 24 nŭih, Bắc Ninh 17 nŭih. Geh 16 n’gor hŏ rlau 14 nar mô kơp dơn ntưp mhe. Bah năp nê lơ 8.6, Kruanh n’gâng kan dak si Nguyễn Thanh Long hŏ geh 3 rơh pah kan êng đah ăp Nŭih kan ntoh măt bah Australia, Pháp ndrel Thuỵ Sỹ ta Việt Nam mpeh nau tâm boh nau kan njrăng rdâng srê Covid-19, ngăn lah nau kan pơk trong nơih gay Việt Nam geh dŏng vắc xin njrăng Covid-19.

Kruanh n’gâng kan dak si Nguyễn Thanh Long

  Kruanh n’gâng kan ŭch, Australia, Pháp ndrel Thuỵ Sỹ lŏ geh ăp nau kơl an gay Việt Nam ndơn âk lơn ăp tơm vắc xin njrăng rdâng srê Covid-19. Wa Mobyn Mudie, Nŭih kan ntoh măt bah Australia ta Việt Nam mbơh, Chính phủ Australia ân 130 rkeh đola Úc bah nau kan kơl an prăk rvăt vắc xin. Êng đah Việt Nam, rnoh prăk kơl an nau kan vắc xin bah Australia ân Việt Nam lah 40 rkeh đola Úc gay rvăt vắc xin njrăng rdâng srê̆./.

Nŭih rblang: H’Thi