VOV4.M’nông: Ôi 11/7, rmôt hăn kan bah N’gâng kan dak si, yor Kruanh n’gâng kan Đỗ Xuân Tuyên ƀư kruanh leo rmôt kan pah kan đah Rnâng kan rđau nau njrăng srê Covid-19 n’gor Dak Lak mpeh nau njrăng, rdâng srê Covid-19 tâm nkuăl. Kơp tât lơ 11/7, Dak Lak geh 7 nŭih ntưp srê Covid-29, tâm nê 4 nŭih lĕ bah. Ăp nŭih ji ta Dak Lak geh tât ntŭk srê ta Đà Nẵng, Bắc Ninh ndrel Nkuăl ƀon têh Hồ Chí Minh.

Dak Lak dôl nkah rgum 139 nŭih, nkah êng tâm ngih bơi tât 9 rbăn nŭih. Mpeh nau joi nŭih, rnôk aơ Dak Lak ndâk 280 nŭih kơl njrăng ndal. Ntoh nau ta nar kan, Kruanh n’gâng kan dak si Đỗ Xuân Tuyên rnê ngăn nau njrăng srê bah Dak Lak tâm rnơh rlau, nkah ân rgum nŭih, ngăn lah ntŭk kan gay ma njrăng rdâng ăp nau tât bah srê tâm rơh tât./.

Nŭih rblang: H’Thi