VOV4.M’nông: Kruanh n’gâng kan nchră nau Trung Quốc lơ 31/3 mbơh, Kruanh n’gâng kan Hàn Quốc Cung Eui-yong mra khâl Trung Quốc tâm pơh aơ, rơh khâl bôk năp tâm 3 năm, gay joi nau rgâl tâm boh. Tâm rơh khâl geh ntơm lơ 2 tât 3 khay 4, Kruanh n’gâng kan Chung Eui-yong mra mâp đah nŭih kan nchră nau Trung Quốc, Uỷ viên Quốc vụ Vương Nghị. Kruanh n’gâng kan nchră nau Hàn Quốc mbơh nau lah rjăp: nau râm mâp đah 2 n’gâng kan 2 dak mra lah nau ôp uănh nau kan hun hao tâm boh 2 ding ndrel tâm nchră nau kan ta gôl dak Triều Tiên, ndrel nau kan bah nkuăl ndrel lam ntur neh. Nŭih ntoh ngơi bah n’gâng kan nchră nau Trung Quốc Hoa Xuân Oánh lah rjăp rnôk tâm Bắc Kinh: Hàn Quốc ndrel Trung Quốc mra hun hau hao tâm boh ueh ndrel năm 2022 nkah 30 năm nau ndâk tâm boh nchră nau 2 dak./.

Nŭih rblang: H’Thi