VOV4.M’nông -  Tĭng ntŭk mbơh nkoch nău Nhật Bản n’hanh Hàn Quốc, 3 dak Hàn Quốc, Mỹ n’hanh Nhật Bản dôl tâm nchră mpeh nău ƀư rơh rƀŭn nchră Kruanh N’gâng kan mât njrăng bri dak 3 ding ta gôl dak Hawaii, Mỹ tâm n’gul khay 1 năm bah kơi. Lah dơi ƀư aơ mbra lah Rƀŭn nchră Kruanh N’gâng kan Mât njrăng bri dak Hàn-Mỹ-Nhật jêh 2 năm kơp bah rơh rgum nchră khay 11 năm 2019 ta thủ đô Bangkok, Thái Lan bah meng Rƀŭn nchră Kruanh n’gâng kan mât njrăng bri dak Hiệp hội ăp dak Đông Nam Á (ASEAN) pơk hvi. Tâm du nu nău êng, ăp Kruanh n’gâng kan mât njrăng bri dak Hàn Quốc mhe geh rơh điện tâm nchră đah Nuĭh ntop kơl kan Kruanh n’gâng kan Mât njrăng bri dak Mỹ mât uănh nău rnă njrăng Ấn Độ-Thái Bình Dương n’hanh Vụ trưởng Vụ chính sách quốc phòng N’gâng kan mât njrăng bri dak Nhật Bản, mĭn lah tay nău khlay bah kan ndrel rnă njrăng 3 ding n’hanh tâm ban ŭch joi tâm rgâl gưl prêh, geh n’ăp Kruanh N’gâng kan Mât njrăng bri dak.

Nuĭh rblang: Y Sưng Phê Ja