VOV4.Mnông- Kêng măng nar 11/11, ta Hà nội, n’gâng kan mât rnă njrăng ngih dak ƀư rơh rƀŭn nchră trực tuyến mbơh ƀư nău kan njrăng, rdâng nuh srê Covid-19 tâm nău mhe. Mât uănh Nghị quyết 128 bâh chính phủ, tâm let năp tay ngoăy tâm âk nkô̆ nău khlăy bâh n’gâng kan mât rnă njrăng ngih dak ntĭm đă n’hao nău kan 4 ta ntŭk tât râng nău kan njrăng rdâng nuh srê Covid-19, nkre lah mbra tâm rdâng đah ăp nău tât ndal, nău tât bâh trôk nar mih sial. Thượng Tướng Vũ Hải Sản, groi kruanh n’gâng kan mât rnă njrăng ngih dak an gĭt: Nkô̆ nău tơm khlăy tâm nău kan njrăng, rdâng nuh srê tâm let năp tay lah rgum uănh nđôi nău nchrăp pah kan njrăng, rdâng nuh srê, nti nău kan, ƀư lĕ rngôch ăp nău kan, ntop ndơ kan ndơ dŏng, nuĭh kan, dak si, ndơ dŏng tahen, ndâk nkra tay ăp ntil ndơ dŏng an nkual gŭ nkhah êng rgum, mbra geh mbơh kơl an ta ntŭk pah kan rnôk geh nuh srê. Nkre lah đă ăp n’gâng kan tư lệnh, ăp nău quân khu, ăp ngih dak si bah aƀaơ mbra geh njêng ăp rmôt kan quân y gay ma n’hao an trạm xã xã phường rnôk geh nău ŭch kan.

Nuĭh rblang: Thị Đoắt