VOV4.M’nông: Kruanh n’gâng kan nchră nau bôk năp Wendy Sherman mhe geh ƀư tơm rơh rƀŭn 3 ding đah nŭih ndrel gưl kan Hàn Quốc Choi Jong Kun ndrel Kruanh n’gâng kan nchră nau Nhật Bản Mori Takeo ta Thủ đô Washington. Ta nar rƀŭn, Kruanh n’gâng kan nchră nau 3 dak lah rjăp nau tâm boh pe ding đah Mỹ, Hàn Quốc ndrel Nhật Bản lah nau khlay gay rklaih ăp nau ntul rlong ndal ngăn bah rach năm 21 tâm nkuăl ndrel lam ntur neh. Ăp ding tâm nchră ăp nau dơi gay tâm boh pe ding gay rklaih âk nau kan lam ntur neh, geh nau rŭng răng bah mih nar, đăp mpăn dak si lam ntur neh ndrel rdâng đah srê Covid-19, nau ndâk tay ndrel đăp mpăn bah nau pă nau kan khlay. Ntoh nau ta nar rƀŭn, Kruanh n’gâng kan nchră nau Mỹ Wendy Sherman mbơh, păng hŏ geh nau tâm nchră geh nau ndâk njêng ndrel ƀư ngăn đah ăp nŭih ndrel gưl kan bah Nhật Bản ndrel Hàn Quốc./.

Nŭih rblang: H’Thi