VOV4.Mnông- Kruanh n’gâng kan nchră nău đah dak bah dih Nhật Bản Toshimitsu Motegi nar 5/9 an gĭt, kruanh n’gâng kan nchră nău đah ăp dak bah dih rmôt 7 n’gâng kan công nghiệp bôk năp ta lam ntur neh G7 pơh tât tay mbra geh rƀŭn nchră mpeh nău ta Afghanistan. Rmôt kan aơ mbra geh jă lĕ nuĭh ndơn kan bâh Nga, Trung Quốc n’hanh du đê̆ ngih dak êng tât râng. Tĭng nău mbơh bâh wa Motegi, rơh rƀŭn nchră kơt nĕ mbra geh ƀư ơm ta nar 8/9. Rơh rƀŭn nchră geh ƀư tâm rnôk Taliban n’hanh mpôl kan tâm rdâng dŭt hô n’hanh Taliban nchrăp geh njêng chính phủ. Aƀaơ lam ntur neh dŭt knơm chính phủ mhe bâh Afghanistan mbra lĕ rngôch nđâp ăp nuĭh kan n’hanh Taliban mbra ƀư tĭng nău tâm ton geh ndơ̆ mbơh, tâm nĕ geh nău gay ma nuĭh ƀon an mbra dơi luh du bâh ngih dak aơ tĭng nău nơm ŭch tâm ban kơt ăp nău kon nuĭh dơi geh mât đăp mpăn.

          Nuĭh rblang: Thị Đoắt