VOV4.Mnông- Kruanh n’gâng kan nchră nău đah dak bah dih mhe Nhật Bản Yoshimasa Hayashi ta rơh tâm nchră bôk năp đah kruanh n’gâng kan nchră nău đah dak bah dih Trung Quốc Vương Nghị ta nar naơ 18/11 lĕ mpơl nău ŭch rdâk njêng nău tâm boh kan Nhật Bản- Trung Quốc đăp mpăn, geh nău kan rdâk njêng. Tĭng nĕ, Nhật Bản mbra ndrel đah Trung Quốc uănh rơh kahgĭt 50 năm nău đăp mpăn ueh tâm boh kan đah bar dak ta năm 2022 lah rơh nkhêp gay ma n’hao nău tâm nchră, mbơh nău kan, ƀư ueh na nê̆ lơn nău tâm kơl bar ding ndrel geh ueh, n’hao nău tâm nđŭr đah ƀon lan, rjaih nău an tâm di lơn đah ăp nău êng n’hanh geh dơn nău kan ta năp ntul rlong lam ntur neh. Mpeh đah nơm, kruanh n’gâng kan nchră nău đah dak bah dih Trung Quốc Vương Nghị an lah Trung Quốc n’hanh Nhật Bản an geh lăp kan ndrel nsum têh bâh rơh kan mhe, n’hao ăp nău dơi kan ueh êng bâh nău dăch mpeh nkual neh n’hanh tâm ban văn hóa gay ma nsrôih tâm kơl, ndơ̆ nău tâm boh bar dak hun hao di ntrong yor nău geh ueh nsum bâh bar dak.

Nuĭh rblang: Thị Đoắt