VOV4.Mnông- Ntoh ngơi ta thủ đô Nairobi bâh Kenia, ntŭk rlu jâng bôk năp ta rơh tât khâl âk dak châu Phi,  kruanh n’gâng kan nchră nău đah dak bah dih Mỹ Antony Blinken mbơh lor nău tât bâh rơh tâm lơh jŏ âk năm ta Etiopia, ton kơl ăp nău nsrôih mât đăp mpăn bâh âk dak châu phi kan ndrel mpeh nkual nke châu phi. Păng an lah, nău tâm rkeh ta Etiopia lah du nău ntêt nkri đah nău đăp mpăn n’hanh rnă njrăng ta châu phi n’hanh nău nĕ mĭn rvê mbra an Mỹ tâm ban kơt ăp dak kan ndrel geh nđâp Kenia. Mỹ dôl kuăl đă ăp ding ndrel tâm nchră, an bah ăp nău tâm rkeh, mât đăp mpăn ăp nău kan tâm kơl kon nuĭh. Rơh tât khâl ăp dak châu phi bâh kruanh n’gâng kan nchră nău đah dak bah dih Mỹ nkoch mbơh âk nău, nĕ lah, rơh tâm lơh ta mpeh ba lơ Etiopia, rơh tâm lơh ta Xuđăng n’hanh rơh săch kruanh mô hoch ƀư ta Somali.

            Nuĭh rblang: Thị Đoắt