VOV4.Mnông- Kruanh n’gâng kan nchră nău đah dak bah dih Mỹ Antony Blinken lĕ tât ta thủ đô Riga bâh Latvia gay ma râng rơh rƀŭn nchră kruanh n’gâng kan nchră nău đah dak bah dih NATO, nchră mpeh nău Nga n’hao tahen ta n’har bri Ukraine. Kruanh n’gâng kan mât rnă njrăng ngih dak Latvia Artis Pabriks an gĭt dak aơ an geh nău tât râng tahen ƀa ƀơ bâh Mỹ n’hanh ŭch n’hao nău dơi njrăng rdâng ma grăp phao ŭnh Patriot bâh Mỹ. Aƀaơ, tahen NATO dôl rlong ƀư ăp nău tâm lơh tâm bri geh âk tuyết bâh Latvia đah ndeh sar n’hanh ndrak ngăn. NATO lĕ mbơh 4 rmôt kan tâm lơh têh gâl tiểu đoàn âk ngih dak gay ma mât Ba Lan. Tâm rnôk nĕ, Nga mbơh mô ŭch tâm lơh đah nkual Ban tich mô lah Ba Lan n’hanh ntôn NATO ƀư uh ah an Châu Âu đah ntorng kan ntrơn tahen tât dăch n’har bri bâh Nga.

Nuĭh rblang: Thị Đoắt