VOV4.Mnông- Ủy viên Quốc Vụ viện nkre kan kruanh n’gâng kan nchră nău đah dak bah dih Trung Quốc Vương Nghị mhe tâm nchră đah kruanh n’gâng kan nchră nău đah dak bah dih Singapore Vivian Balakrishnan. Kruanh n’gâng kan nchră nău đah dak bah dih Trung Quốc Vương Nghị an lah, nău tâm boh Trung Quốc-Singapore lah nău tâm boh bar ding geh nău ơm geh, ntrong kan n’hanh nău ŭch hun hao. Trung Quốc mbra n’hao nău tâm mbơh ngơi ăp ntrong kan đah Singapore, ƀư kloh ueh tay nău tâm kơl na nê̆|, rlet rlău nău jêr ntul rlong, ngăch rlet bah nuh srê têh, ntrôl ndâk nsơm ngăch n’gâng kan wăng sa ăp dak, ndrel tâm rgop ueh an nău đăp mpăn, hun hao bâh ta nkual n’hanh lam ntur neh. kruanh n’gâng kan nchră nău đah dak bah dih Trung Quốc lah na nê̆, bar ding an geh mât nău tâm mbơh kan ndrel gâl têh an tâm di, n’hao nău kan njrăng, rdâng n’hanh tâm kơl ta rơh njrăng rdâng nuh srê. Nău tơm khlăy lah sŏk dŏng nău dơi ơm geh tâm kơl ta ntrong kan tăch rgâl điện tử, nău gĭt blău tâm kon nuĭh, nău kan têh n’hanh ăp ntrong kan êng gay ma hun hao nău tâm boh bar dak.

Nuĭh rblang: Thị Đoắt