VOV4.Mnông- Nar naơ, 7/9, Kruanh n’gâng kan nchră nău đah dak bah dih Hàn Quốc an gĭt, kruanh n’gâng kan nchră nău đah dak bah dih Trung Quốc Vương Nghị nchrăp mbra tât khâl Seoul bâh nar 14-15/9. Di rơh aơ, bar ding mbra ƀư rơh rƀŭn nchră kruanh n’gâng kan nchră nău đah dak bah dih Hàn Quốc-Trung Quốc. Rơh tât khâl aơ bâh wa Vương Nghị mbra geh ƀư tâm rnôk kahgĭt 30 năm nar njêng nău tâm boh kan đah bar ding Hàn Quốc-Trung Quốc. Kruanh n’gâng kan nchră nău đah dak bah dih an gĭt rơh tât khâl lah du rơh nkhêp khlăy gay ma bar dak ntrôl nău tâm mbơh kan, joi trong kan n’hao tâm kơl na nê̆ n’hanh tâm rnglăp bar ding. Tâm rnôk wa Vương Nghị tât khâl Seoul, bar ding mbra ƀư rơh rƀŭn nchră bâh Ủy ban mbơh nău kan “Năm văn hóa Hàn Quốc-Trung Quốc 2021-2022” n’hanh mơh nău tâm nđur nuĭh kan đah bar dak.

Nuĭh rblang: Thị Đoắt