VOV4.M’nông: Ndơn nau jă bah Đại tướng Phan Văn Giang, Kruanh n’gâng kan neh dak Việt Nam, wa Lloyd Austin, Kruanh n’gâng kan neh dak Mỹ khâl ngăn Việt Nam ntơm lơ 28-29/7. Tĭng nŭih ntoh ngơi N’gâng kan nchră nau Việt Nam, wa Lê Thị Thu Hằng, rơh khâl Việt Nam bah Kruanh n’gâng kan neh dak Mỹ lŏ rgop nau n’hao nau tâm boh kan nsum, tâm rnơm đah ƀon lan ndrel tahen 2 dak, ntrŭnh ăp nkô̆ tâm boh tâm nau kan neh dak ndrel nau ký ton đah 2 dak, ntrŭnh ăp nau nau kan neh dak hŏ tă ký đah 2 n’gâng kan neh dak ndrle nau nchrăp bah rđau kan gưl prêh 2 dak, rgop nau tâm nau kan nsum ăp ntil Việt Nam-Mỹ. Bah năp ma wa Lloyd Austin tât Việt Nam, Mỹ hŏ jao geh nau dơi 3 rkeh dĭng vắc xin Moderna ân Việt Nam bah trong Covax. Wa Lloyd Austin, 65 năm, lah rđau kan 4 grat tă kơl an nau kan tahen Mỹ. Păng lah Kruanh n’gâng kan neh dak săk ôch bôk năp bah dak Mỹ, geh ƀư ndơn nau kan tâm lơ 22/1/2021, knŭng 2 nar jêh rnôk wa Joe Biden jêng Tổng thống./.

Nŭih rblang: H’Thi