VOV4.M’nông: Ta Hà Nội, Thượng tướng Phan Văn Giang, Kruanh n’gâng kan neh dak hŏ pah kan đah ăp ntŭk kan, rmôt kan mpeh nau mât đăp mpăn ân rơh săch kan ntơh măt Quốc hội gưl XV năl ntơh măt HĐND ăp gưl năm kan 2021-2026. Tâm nar pah kan, Thượng tướng Phan Văn Giang đă ăp ntŭm kan, rmôt kan lŏ n’hao ăp nau kan geh gĭt nau kan, tâm nchră nau đah ăp rmôt, ndơn saơ, nchră, mbơh ăp nau kan ƀư rlăng, nau rdâng lơh bah phung mhik, phung rlăng. Ăp mrôt kan nkân njrăng, mât rjăp nkuăl neh, nkuăl dak lêng, gôl dak, n’har bri, trong trôk, nchrăp rmôt tahen, ndơ dŏng, mra râng rklaih lah geh nau tât khuch. Rmôt tahen mât ân rjăp nau kan, tâm grop nsum đah n’gâng kan, rmôt kan tâm ndrel bah dih tahen gay ma mât kloh nau kan, mât đăp mpăn ân ăp rơh săch kan. Ndrel ma nau ƀư rjăp nau kan njrăng rdâng srê Covid-19, Thượng tướng Phan Văn Giang đă ăp ntŭk kan, rmôt kan ân ƀư ueh nau nkoch trêng, kơl cán bộ, tahen ƀư nau dơi, nau kan bah ƀon lan rnôk râng săch kan./.

Nŭih rblang: H’Thi