VOV4.M’nông: Tâm rơh hăn khâl tât Anh râng rƀŭn kruanh n’gâng kan mrôt ăp dak hun hao G7, Kruanh n’gâng kan Nhật Bnả Motegi hŏ geh tâm nchră ma nŭih ndrel gưl kan Anh Dominic Raab. Tĭng nau mbơh geh ndŏ luh bah nau tâm nchră, 2 rđau kan tâm ban nau n’hao nau tâm boh ueh nâp lơn tâm nau kan tăch rgâl ndrel rnă njrăng. Bar ding tâm ban nau nkoch mbơh nau kan khlay mpeh ăp nau nsôih êng gay rƀŏng rgâl nau dôl geh bah Trung Quốc tâm Biển Đông ndrel Biển Hoa Đông geh n’ăp Luật trong luh lăp, kŏ kơt lah nau dơi kon nŭih ta Hongkong ndrel ntŭk tâm njrăng êng Tân Cương. Bar kruanh n’gâng kan kŏ tâm nchră nau kan n’hao nau tâm boh tâm ăp nau kan ndrel uănh kơl ndrel mbơh nau kan kơt rnă njrăng văng sa, nau kan blau mhe, dak si ndrel khoa học./.

Nŭih rblang: H’Thi