VOV4.M’nông – Ôi 11/11, Tĭng bôk nău kan rơh rƀŭn, jêh rnôk lôch nău mpeh tâm nău pah kan, thương binh n’hanh xã hội ta rơh rƀŭn tal 2 Quốc hội ôp tay nkô̆ nău n’hanh ơh nău ôp đah Kruanh N’gâng kan ntĭm nti. Ăp nkô̆ nău ma nuĭh ntoh măt Quốc hội uănh tât, an nău ôp đah Kruanh n’gâng kan ntĭm nti Nguyễn Kim Sơn rgum tâm ăp nău ma kon nuĭh dôl uănh tât aƀaơ hin nĕ lah: uĕh ntĭm n’hanh nti trực tuyến, uĕh nchih rgum ndrôm sam ƀŭt giáo khoa tĭng bôk nău ntĭm nti phổ thông mhe, ntĭm ntop tay, nti ntop tay online. Ơh nkô̆ nău aơ, Kruanh N’gâng kan Nguyễn Kim Sơn an gĭt, nău ntĭm n’hanh nti trực tuyến mông nar kơt aƀaơ mô geh tâm nău way jêng dŭt âk jêr jŏt. Tĭng kơp uănh mô di lah 1,5 rkeh kon hŏk mô geh ndơ nti ma n’hêl na nê̆ geh rlău 1,8 rkeh kon hŏk aƀaơ mô geh ndơ tâm ty gay nti trực tuyến. Bôl ndrĭ, aƀaơ nău kan ntĭm nti dôl nsrôih gay đăp mpăn uĕh ntĭm n’hanh nti tâm ban đah ăp trong ƀư. Kruanh N’gâng kan Nguyễn Kim Sơn kơp dơn nău rgop bah ăp nuĭh ntoh măt mbra geh ntĭm rđău na nê̆ tâm khay tât.  

Nŭih blang: Y Sưng Phê Ja