VOV4.Mnông – Ta Trùng Khánh, Trung Quốc, Kruanh N’gâng kan tâm rnglăp nchră nău Bùi Thanh Sơn lĕ geh rơh mâp ăp ding đah Groi Thủ tướng, Kruanh n’gâng kan tâm rnglăp nchră nău n’hanh Kan ndrel lam ntŭr neh dak Campuchia Park Sokhonn di rơh râng Rƀŭn nchră Kruanh n’gâng kan tâm rnglăp nchră nău ASEAN-Trung Quốc n’hanh rƀŭn nchră Kruanh n’gâng kan tâm rgop Mê kông-Lan Thương rơh tal 6.

Kruanh n’gâng kan tâm rnglăp nchră nău Bùi Thanh Sơn mâp ăp ding Groi Thủ tướng, Kruanh n’gâng kan tâm rnglăp nchră n’hanh kan ndrel lam ntŭr neh Campuchia

Ta rơh mâp, 2 kruanh n’gâng kan nkoch nău tâm ban ŭch tâm boh Việt Nam-Campuchia dơi mât jâng nsan hun hao uĕh năm bah năp tâm rnôk srê; 2 dak mât tâm mâp, tâm rgâl gưl prêh ƀa ƀơ n’hanh ƀư uĕh săk rnglăy ăp trong kan ndrel ăp ding. 2 ding tâm ban ŭch n’hao tâm rgop mât uănh n’har si, nking n’gang luh lăp mô tâm di, nkre nta nơih an tâm rgop tăch rgâl n’har bri; rnê rhơn nău an pơk kôp mpông n’har bri lam ntŭr neh Tân Nam (n’gor Tây Ninh)-Mơn Chây (n’gor Prey Veng) an dŏng bah nar 31/5 mhe rlău.

Nuĭh rblang: Y Sưng Phê Ja