VOV4.M’nông: Kêng măng 28/6, Rmôt kan gưl prêh rnă njrăng Việt Nam yor Đại tướng Tô Lâm, Kruanh n’gâng kan Công an ƀư tơm hŏ geh râng rƀŭn nchră rđau kan gưl prêh Rmôt ăp dak Đông Nam Á (ASEAN)-Nga tal bôk năp geh ƀư trực tuyến. Ntoh nau ta nar rƀŭn, Kruanh n’gâng kan Tô Lam lah rjăp, aơ lah nau kan khay, ntrŭt dăng nau tâm boh ndrel ƀư nâp lơn tay nau kan nsum ASEAN-Nga, lah rjăp ân geh n’hao lơn nau kan gay ntrŭt dăng nau mhe aơ lăp tâm nau jru ndrel nâp lơn, mra tâm boh, pă mbơh nau tă blau kan đah ăp dak ASEAN ndrel Nga gay nsum n’hao nau rklaih nau kan nsum. Kruanh n’gâng kan Tô Lâm đă, tâm rơh tât, ăp dak, nkuăl n’hao ăp nau kan ndâk nau rnơm, ndâk nau tâm nchră gay mbơh nau kan, năn doh rklaih ăp nau tâm rkeh, ntrŭt dăng nau geh dơi nsum, hun hao văng sa, rêh jêng ân nâp. Tâm rơh rƀŭn, ăp ntoh măt tâm nchră, mbơh nau kan gay ma mât nau đăp mpăn chính trị, đăp mpăn tâm nkuăl ASEAN ndrel pơk hvi tay lah nkuăl Châu Á-Thái Bình Dương./.

Nŭih rblang: H’Thi