VOV4.M’nông: Bah năp rơh rƀŭn ăp rđau kan ASEAN, Kruanh n’gâng kan Trung Quốc Vương Nghị hŏ geh nar tâm nchră điện thoại ma 2 rđau kan ndrel gưl Thái Lan ndrel Brunei mpeh nau kan bah Myanmar. Ntoh nau ta nar nchră, wa Vương Nghị rnê prêh nau rƀŭn bah ăp rđau kan ASEAN lah nau năn ndrel dŭt khlay. Trung Quốc ŭch rơh rƀŭn ƀư ân ueh nau kan leo tât nau ndâk njêng tâm nau ƀư ân ueh nau kan ta Myanmar ndrel mbơh ăp nau ueh lơn. Tĭng wa Vương Nghị, ASEAN gĭt kloh nau kan ta Myanmar rlau ma dak êng ndrel nkuăl êng, kŏ kơt lah geh nau dơi lơn tâm nau râng rklaih nau kan tâm nê ân geh ndâk ueh. Trung Quốc ŭch ASEAN ndâk nau kan ân tâm ban, nkoch mbơh nau ngơi nsum ndrel geh tŏng nau mĭn khlay mpeh chính trị nsum gay kơl an Myanmar, mât ân ueh nau đăp mpăn tâm nkuăl kŏ kơt lah nau tâm rnglăp tâm boh bah ASEAN./.

Nŭih rblang: H’Thi