VOV4.M’nông –  Tâm bôk nău kan ta ăp n’gor Đông Bắc, nar 5/5, Kruanh Quốc hội Vương Đình Huệ, Kruanh Hội đồng săch ngih dak n’hanh mpôl pah kan bah Quốc hội lĕ uănh nđôi trong kan nchrăp săch Nuĭh ntoh măt an Quốc hội khóa 15, Ntoh măt hội đồng nhân dân ăp gưl năm kan 2021-2026 ta nkual nklăch phiếu mrô 4, thôn Thèn Pả, xă Lũng Cú, nkuăl Đồng Văn n’hanh pah kan đah kruanh n’gor, Ủy ban săch n’gor Hà Giang; khâl, ntrŭt nsôr cán bộ Pôih tahen n’har bri Lũng Cú. Ntoh măt ta nar pah kan, Kruanh Quốc hội Vương Đình Huệ lah n’gor Hà Giang, tâm rnôk nchrăp trong kan săch, yơn hôm e mât uănh hun hao wăng sa, rêh jêng, đăp mpăn bri dak, rnă njrăng, nău rêh jêng. Tâm trong kan ƀư gay nuĭh dơi săch mâp đah nuĭh ƀon lan, Kruanh Quốc hội Vương Đình Huệ lah, ăp nuĭh dơi săch ntoh măt an Quốc hội ta Trung ương ma sĭt dơi săch ta ntŭk, tâm 1-2 nar tât, uănh năl mham lor rnôk mâp nuĭh ƀon lan, đăp mpăn trong kan njrăng n’gang srê.

Nŭih rblang: Y Sưng Phê Ja