VOV4.M’nông: Ôi 29/6, ta Hải Phòng ƀư rơh hop bôk năp, Hội đồng nhân dân nkual ƀon têh Hải Phòng khóa XVI. Ủy ban bầu cử nkual ƀon têh Hải Phòng mbơh lôch jêh bầu cử n'hanh năl di săk nuĭh dơi ƀư đại biểu Hội đồng nhân dân Nkual ƀon têh khóa XVI, năm kan 2021-2026. Ta rơh hop dja đŏng, ăp đại biểu Hội đồng nhân dân nkual ƀon têh hŏ ƀư sơch ăp kruanh n'gâng tơm Hội đồng nhân dân n'hanh Ủy ban nhân dân nkual ƀon têh, ăp nhih pah kan bah Hội đồng nhân dân, Ủy viên Ủy ban nhân dân nkual ƀon têh; sơch Hội thẩm nhân dân bah Nhih phat dôih ƀon lan nkual ƀon têh tĭng luật định, gay rdâk njêng, dăp rgum ăp tŏng nuĭh kan n'gâng kan ta ntŭk, đăp mpăn kan geh nău tam let năp tay. Râng n'hanh lah ta rơh hop, Kruanh Quốc hội Vương Đình Huệ ŭch rŏng n'hanh nsing nơm an lah, tâm ăp năm 2021-2026, Hội đồng nhân dân nkual ƀon têh Hải Phòng mbra rgâl mhe tay dăng lơn mpeh leo ƀư n'hanh nău kan, ƀư lôch jêh uĕh nău kan dơi jao, ndơ̆ tay Hải Phòng jêng ntŭk chrat ang tâm hun hao wăng sa, rêh jêng kon nuĭh bah lam dak./.

Nuĭh rblang: Điểu Thân