VOV4.M’nông – Tâm rơh khâl n’hanh pah kan đah ăp n’gor Tây Nguyên, Kêng măng nđaơ (30/6), Kruanh Quốc hội Vương Đình Huệ n’hanh Mpôl pah kan lĕ khâl n’hanh pah kan đah kruanh n’gor Dak Lak.

Kruanh Quốc hội khâl n’hanh pah kan ta Dak Lak, Dak Nông

Pah kan đah kruanh n’gor Dak Lak, Kruanh Quốc hội tâm ban ŭch đah ăp nău kan trong rƀŏng bah n’gor n’gluh an tâm 6 khay dŭt n’hâm n’hanh lah rjăp n’gor an mât uănh uĕh tay ăp nghị quyết bah Đảng, Đảng bộ n’gor; tĭng rjăp nu nău srê Covid-19 gay geh trong mkra ngăch, n’hao trong kan njrăng n’gang srê bah ơm n’hanh bah ngai, mô an thơ tha, uănh nđôi tay ăp trong 4 ta ntŭk bah nuĭh kan, ndoh ndơ, dak si gay mô ndrăt ndal.

Khâl an ndơ phung pah kan Alumin Nhân Cơ

Tâm rơh pah kan ta Dak Nông, Kruanh Quốc hội lĕ khâl, an ndơ an ăp phung pah kan geh nău rêh jêr jŏt tâm Công ty nhôm Alumin, xă Nhân Cơ, nkuăl Dak Rlâp; khâl nău nchrăp ƀư Tổ hợp ngih măy nkra njêng Alumin Nhân Cơ-Dak Nông.

Nŭih rblang: Y Sưng Phê Ja