VOV4.M'nông:  Ôi (14/6), ta Jay Quốc hội, ntơm pơk rơh hop tâl 57 bah Ủy ban Thường vụ Quốc hội. Lah ta rơh ntơm pơk, Kruanh Quốc hội Vương Đình Huệ nkoch kloh nkô̆ khlay dơi Ủy ban Thường vụ Quốc hội an nău rgop ta rơh hop 57 lah uănh năl jêh geh tĭng ƀư trong nchrăp hun hao wăng sa- rêh jêng kon nuĭh n'hanh ngân sách ngih dak 6 khay bôk năm n'hanh ăp trong nkra tĭng ƀư hun hao wăng sa- rêh jêng kon nuĭh, ngân sách ngih dak 6 khay kêng dŭt năm 2021.

An nău rgop mpeh mbơh n'glôch jêh bôk năp rơh bầu cử đại biểu Quốc hội khóa 15 n'hanh đại biểu Hội đồng nhân dân ăp gưl năm kan 2021-2026, Kruanh Quốc hội rnê âk ăp nău rgop bah mpôl kan kâp njrăng ta bôk trong rlong sial  kơt: dak si, tahen, công an, gưl uỷ n'gâng kan tâm dâng tâm pah kan bầu cử; nău dŏng công nghệ thông tin tâm pah kan bầu cử; tâm ban kơt pah kan nkoch trêng nău lư mpeh bầu cử dơi ƀư di ngăn ngăn, njêng nar khuh n'gôr, rgop tâm nău dơi bah rơh bầu cử./.

Nuĭh rblang: Điểu Thân