VOV4.Mnông- Ôi nar 22/11, ta ntŭk kan Quốc hội, ntơm pơk bôk nău kan rơh rƀŭn nchră tal 5 bâh Ủy ban rnâng kan Quốc hội. Geh ƀư tâm 2 nar, ta rơh rƀŭn nchră aơ, Ủy ban rnâng kan Quốc hội an tâm rgop nău ta âk nkô̆ nău khlăy, tâm nĕ geh nău nchrăp rơh rƀŭn nchră ndal geh ƀư ta khay 12 tay. Ntoh ngơi ta rơh ntơm pơk, kruanh Quốc hội Vương Đình Huệ an gĭt, dŭt nkah ta rơh rƀŭn nchră aơ đŏng, Ủy ban rnâng kan Quốc hội an tâm rgop nău mpeh nău dăn đă bâh Chính phủ mpeh ntop 02 nău nchrăp Luật ta bôk nău kan rdâk njêng luật, pháp lệnh năm 2022 lah: Luật rgâl mhe, ntop du đê̆ nkô̆ bâh Luật Tần số vô tuyến điện, Luật uănh săm ji, mhe rgâl. Kruanh Quốc hội dăn đă an geh ƀư kloh ueh na nê̆ ntop 2 nău nchrăp Luật, ngăn lah nău nchrăp nkô̆ nău kơl kan têh geh uănh n’hêl tâm 2 nău nchrăp luật, ndâk nsơm nău “ndơ̆ lăp gay ma dăp nău kan”.

Nuĭh rblang: Thị Đoắt