VOV4.M’nông – Ôi 16/11, Kruanh Quốc hội Vương Đình Huệ lĕ tât râng nar Rgum tâm rnglăp lĕ rngôch rnoi mpôl ta xă Trung Lương, Định Hóa, Thái Nguyên. Kruanh Quốc hội Vương Đình Huệ mbah rhơn xă Trung Lương lĕ kơp uănh, geh 19/19 rnoh ndơ ƀư xă ƀon lan mhe n’hanh dôl ƀư sam ƀŭt rhăch nău dăn đă kơp dơn xă tâm di ƀon lan mhe; nkuăl Định Hóa dôl nsrôih hao, geh nău rƀŏng jêng nkuăl ƀon lan mhe tâm năm 2022. Tĭng Kraunh Quốc hội Vương Đình Huệ, năm 2021 lah năm dŭt khlay tâm nău chôt srê Covid-19 geh jêr jŏt yơn he lĕ ƀư lôch uĕh ăp naư khlay bah neh dak kơt: Đại hội 13 bah Đảng, săch nuĭh ntoh măt Quốc hội khóa 15 n’hanh ntoh măt HĐND ăp gưl năm kan 2021-2026, Quốc hội lĕ ngăch an ăp trong nchrăp 5 năm gay mbơh ƀư nghị quyết Đại hội rơh tal 13 bah Đảng ta rơh rƀŭn bôk năp. Jêr jŏt lah ndrĭ, yơn neh dak he hôm e dơi ƀư tĭng nău kan nsum nkre hun hao wăng sa nkre njrăng n’gang chôt srê.

Nŭih blang: Y Sưng Phê Ja