VOV4.M’nông – Ƀư tĭng bôk nău kan mâp nuĭh ƀon lan lor rnôk săch tĭng Luật săch nuĭh ntoh măt Quốc hội n’hanh HĐND, nar nđaơ (9/5), Kruanh Quốc hội Vương Đình Huệ lĕ mâp nuĭh ƀon lan ta nkuăl Vĩnh Bảo, An Lão bah nkual ƀon têh Hải Quốc gay nkoch bôk nău kan ƀư bah nơm ta năp ƀon lan. Ta nar mâp ƀon lan, Kruanh Quốc hội an lah, ndâk njêng luật pháp an djăt nău rgop bah nuĭh ƀon lan, trong ƀư nău kơl tâm di đah nuih ƀon lan. Lah gŭ tâm jrô nđik gay ƀư luật n’hanh nghị quyết, ri mbra mô ngăn, mô djăt nuĭh ƀon lan moh ndơ ŭch, djăt ngăn nău rêh m’hâm ƀư. Mpeh nău ndâk njêng thôn ƀon mhe, Kruanh Quốc hội an gĭt, nar tât, mbra an rnoh an ƀư lvang 2021-2025. Nchrăp rơh rƀŭn tal 2, Quốc hội khóa 15 mbra rƀŭn nchră mpeh nău aơ, lơn lah mpeh rnoh ndơ ƀư, an rpăi nsum jêh nĕ pă gưl an ăp ntŭk ƀư.

Nuĭh răk rblang: Y Sưng Phê Ja