VOV4.M'nông: Kêng măng 22/11, ta jay Quốc hội ƀư nău way ntăm an Huy hiệu 40 năm Đảng, ndơ̆ si ƀŭt n'glêh an rlu ranh bah Bộ Chính trị đah ăp nuĭh Ủy viên Trung ương Đảng khóa XII ta Quốc hội n'hanh ntăm Huân chương đah đại biểu Quốc hội rnâng kan ta Trung ương khóa XIV mô plơ̆ tâm rlong tay khóa XV. Ta rơh lễ, Kruanh Quốc hội Vương Đình Huệ ntăm Huy hiệu 40 năm Đảng n'hanh pă an kao si mbah rhơn Kruanh Quốc hội ơm Nguyễn Thị Kim Ngân; Groi Kruanh rnâng kan Quốc hội ơm Tòng Thị Phóng. Ntơh măt Kruanh rđău kan Đảng, Ngih dak, Kruanh Quốc hội Vương Đình Huệ ntăm Huân chương Độc lập hạng nhất an Groi kruanh Quốc hội ơm Phùng Quốc Hiển; ntăm Huân chương Độc lập hạng nhì an 8 nuĭh n'hanh Huân chương Độc lập hạng ba an 7 nuĭh. Kruanh Quốc hội Vương Đình Huệ lah rjăp, ăp nuĭh dơn si ƀŭt an rlu ranh n'hanh dơi ntăm an Huân chương bah Ngih dak rơh dja geh âk mbâl nău tă ơm gĭt pah kan, dơn mât âk ntŭk gŭ kan êng êng, âk nău dơn kan kalơ ăp trong kan n'gâng tơm bah neh dak, rnôk kơt nti, tiăr nti, nsrôih n'hanh têh jêng bah ăp nuĭh lah ntĭt leo chrat ang gay ăp rơh kơn bah kơi kơt tĭng./.

Nuĭh rblang: Điểu Thân