VOV4.M'nông: Bơi 146 rmen prăk lah rnoh prăk rgop geh ma trong Prăk nkrem lam rêh jêng kon nuĭh nuih n'hâm lŏng Pah kan tâm Lễ rgŏ jă nhắn tin “Lam ƀon lan kơl pah kan njrăng n'gang nuh srê COVID-19 n'hanh an ƀư bôk nău kan "Vaccine an công nhân" mhe dơi rgŏ jă kêng măng 3/6 ta Tổng Liên đoàn Lao động Việt Nam. Bôk nău kan gay ôp kuăl, rgŏ jă ăp rơh kơn ƀon lan kơl, rgop prăk an pah kan njrăng n'gang nuh srê COVID-19, rgum tơm ndơ lam rêh jêng kon nuĭh gay nuĭh ƀon lan, tâm nê geh công nhân nuĭh kan mbra tât dơi đah vaccine dŭt ơm. Rnoh prăk kơl bah Rơh rgŏ jă n'hanh Bôk nău kan mbra dơi dŏng an pah kan njrăng n'gang nuh srê COVID-19, tâm nê an rvăt lor vaccine an ăp nuĭh dơi kơl, nuĭh ach o, công nhân nuĭh kan, rgop mât kân bah nuh srê, mât njrăng n'hâm suan, đăp mpăn săk jăn bah nuĭh ƀon lan. Lah ta rơh lễ, Kruanh Quốc hội Vương Đình Huệ dăn đă ăp nhih pah kan geh tât tĭng ƀư mbơh kloh ăp rnoh dŏng prăk rgum geh, dŏng di nău kan, geh nău tam di nău way bah pháp luật gay jêng dơi ngăn ngăn tâm pah kan njrăng n'gang nuh srê COVID-19./.

Nuĭh rblang: Điểu Thân