VOV4.M’nông – Ôi 30/6, ta nkual ƀon têh Buôn Ma Thuột, n’gor Dak Lak ƀư rơh rbŭn bôk năp, HĐND khóa 10, năm kan 2021-2026. Kruanh Quốc hội Vương Đình Huệ râng ntơm ƀư rơh rƀŭn.

Kruanh Quốc hội râng ntơm ƀư rơh rƀŭn HĐND n’gor Dak Lak

Ta rơh rƀŭn aơ, Ủy ban săch n’gor Dak Lak lĕ mĭn đah nău ƀư 75 nuĭh ntoh măt HĐND n’gor khóa 10, năm kan 2021-2026; nkre săch wa Y Vinh Tơr, Groi Kruanh rnâng kan HĐND n’gor Dak Lak khóa 9 ƀư Kruanh HĐND n’gor đah rnoh phiếu geh 98,66%. Săch wa Phạm Ngọc Nghị, Kruanh UBND n’gor năm kan 2016-2021 săch tay ƀư Kruanh UBND n’gor Dak Lak năm kan 2021-2026 đah rnoh phiếu geh 100%. Ntoh ngơi ta rơh rƀŭn, Kruanh Quốc hội Vương Đình Huệ lah rjăp, ntoh măt HĐND an mât nău ntrong leo, janh mĭn, janh ƀư, janh trok dơn nău kan bah nuĭh ntoh măt ƀon lan đă; ngăn lah nău mĭn nchrăp ƀư mhe, nsrôih rgâl mhe tâm nău ƀư groi nđôi, uănh nđôi tay, ôp, mâp nuĭh ƀon lan, wơt nuĭh ƀon lan, râng rgop ndâk njêng pháp luật.

Kruanh Quốc hội râng ntơm ƀư rơh rƀŭn HĐND n’gor Dak Lak

Kruanh Quốc hội Vương Đình Huệ đă, tâm năm kan 2021-2026, HĐND n’gor Dak Lak khóa 10 an rgâl mhe tay, n’hao uĕh n’hanh săk rnglăy lơn, ndơ̆ tay Dak Lak jêng ngoay tâm âk ntŭk hao jêng wăng sa, geh rgum nău uĕh, rêng hvi tâm nkual wăng sa nkual Tây Nguyên

Nŭih rblang: Y Sưng Phê Ja