VOV4.M'nông: Ta Ƀon Văn hóa - Pâl nđaih rnoi mpôl đê̆ Việt Nam ƀư ntơm pơk Pơh "Tâm rnglăp lam rnoi nuĭh- Drăp ndơ ntlơi an văn hóa Việt Nam” năm 2021. Kruanh Quốc hội Vương Đình Huệ râng ntơm pơk. Lah ta rơh ntơm pơk, Kruanh Quốc hội Vương Đình Huệ lah rjăp, tĭng ƀư nău ntĭm nti bah wa Hồ "Tâm rnglăp, tâm rnglăp, tâm rnglăp têh.

Nău dơi, nău dơi, nău dơi têh", tâm rnglăp lam rnoi nuĭh way lah trong kan têh jong bah Đảng he, lah nău tă ơm gĭt kơt nti têh bah cách mạng Việt Nam rgop njêng suan dăng, suan ntrôl an rơh rgâl mhe lam lĕ rngôch, nsĭt tay ăp nău dơi têh kuâng, geh nkô̆ khlay kăl e bah neh dak he. Kruanh Quốc hội Vương Đình Huệ ŭch rŏng Mặt trận tổ quốc Việt Nam mât uĕh lơn đŏng nău khlay groi nđôi, rlăch ndăng tay nău rêh, nsrôih râng rdâk njêng Đảng, rdâk njêng n'gâng kan; ƀư jăp nău khlay ƀư tơm tâm rkhăch tay, tâm rgop kan nsum đah ăp nhih pah kan nsum, rgum lĕ nău  gĭt blău, bôk rngok bah ăp nuĭh khoa học, ăp nuĭh rnâng kan tă ơm gĭt kan âk, djăt nău rgop bah ăp rơh kơn ƀon lan mpeh trong nchrăp, gung trong bah Đảng, trong kan, pháp luật bah Ngih dak./.

Nuĭh rblang: Điểu Thân