VOV4.Mnông- Kêng măng nar 4/11, ta ntŭk kan Quốc hội, di nar Pháp luật Việt Nam 9/11/2021, kruanh Quốc hội Vương Đình Huệ tâm mâp măt đại biểu Quốc hội pah kan way kan, cán bộ, nuĭh kan rmôt ăp ntŭk kan pháp luật, tư pháp, mĭn uănh lập pháp ta Quốc hội. Ntoh ngơi ta rơh tâm mâp, kruanh Quốc hội Vương Đình Huệ lah na nê̆, nar Pháp Luật Việt Nam lah nar bâh lĕ ƀon lan, nar ryơk rnê n’hanh mât pháp luật. Đah nuĭh ƀư nău kan lập pháp tâm ntŭk kan lập pháp rĭ lơ ma geh nău khlăy lơn. Kruanh Quốc hội ŭch, ăp nuĭh pah kan tâm nău kan lập pháp an geh djăt ntŭk kan mbơh nău nchrăp kan, djăt ăp nuĭh way kan, tâm djăt ndrel gay ma nău kan rdâk njêng pháp luật geh mât kloh rjăp, tâm ban, geh đăp mpăn, jŏ jong, ngăn lah mô geh nău tih an geh êng tĭng rmôt, nău geh êng nơm tâm rnôk rdâk njêng pháp luật, tâm di đah nău đă njêng kan, hun hao neh dak nâp nâl n’hanh đă lăp kan ndrel ta lam ntur neh. Aơ lah nău ŭch geh âk ma ƀon lan n’hanh ăp nuĭh ƀon lan geh ngluh mbơh đah ăp nuĭh ƀư luật.

Nuĭh rblang: Thị Đoắt