VOV4.M’nông: Kêng măng 7/6, ta ngih kan Quốc hội, Kruanh Quốc hội Vương Đình Huệ hŏ geh nar tâm nchră trực tuyến đah Kruanh Hạ viện Australia Tony Smith. Ta nar kuăl tâm nchră, 2 rđau kan lah rjăp, nau tâm boh kan nsum đah 2 dak hun hao nar lơn ma tâm rnơm, ngăn ndrel lăp tâm nau jru. Tâm rnôk srê Covid-19 dôl ma geh tă bah năm e tât rnôk aơ, yơn 2 ding hôm mât nau tâm nchră, tâm mâp ƀa ƀơ. Bar ding lŏ mât nau tâm nchră mrôt kan ăp gưl, tâm nchră nau tă blau kan tâm ăp nau kan nghị viện, n’hao nau tâm gĭt rbăng ndrel ƀư rjăp lơn nau tâm boh 2 ding, nkre, nsôih tâm rgop ndrel tâm kơl tâm nau tâm nchră âk ding./.

Nŭih rblang: H’Thi